పరిపూర్ణ మహిళ

అరమరికలు వీడితేనే అన్యోన్య దాంపత్యం

2012-02-10T23:22:00.001-08:00

ప్రతి ఇల్లూ ఆనందంగా ఉండాలంటే భార్యాభర్తలమధ్య సరైన అవగాహన ఉండాలి. తమ మాటే నెగ్గాలనే పట్టుదలకు పోకూడదు. పట్టువిడుపులు ఉండాలి. తాము పట్టిన కుందేలుకి మూడే కాళ్ళుఅన్నట్లుగా వ్యవహరించకూడదు. ‘‘్భర్యాభర్తల తగాదా అద్దంమీద ఆవగింజ లాంటిది’’ అంటారు. అంటే వారి మధ్య గొడవలు ఎక్కువసేపు నిలవకూడదని. ఆలుమగలిద్దరూ ఒకరినొకరు గౌరవించుకుంటూ, చేదోడు వాదోడుగా ఉంటేనే కాపురం సజావుగా సాగుతుంది. వారి దాంపత్య జీవితం ప్రతి నిత్యం ఎంతో ఆనందంగా ఉంటుంది.
ప భార్యాభర్తలమధ్య వచ్చే చిన్న చిన్న వాదనలే తగాదాకు దారితీయవచ్చు. అందుకే ఇద్దరూ తమ తమ వాదనలను పెంచకూడదు.
ప జీవిత భాగస్వామికి తెలియకుండా పనులుచేయడం, అబద్ధం చెప్పడం, మోసం చేయడం లాంటివి చేయకూడదు. వారిని బాధ పెట్టిన వారవుతారు.
ప భార్యాభర్తలు ఒకరి వ్యక్తిగత విషయాలను ఒకరు పట్టించుకోకూడదు. వారికి ఇష్టం లేని పని చేస్తున్నప్పుడు ఒకసారి చెప్పాలి. కానీ అదేపనిగా నస పెట్టడం, విసిగించడం సంస్కారం కాదు.
ప ఇద్దరూ ఉద్యోగస్తులైతే, నీ డబ్బులు, నా డబ్బులు అనే తేడా చూపించకూడదు. అలా విడదీసి మాట్లాడటం వల్ల భాగస్వామి మనసు నొచ్చుకుంటుంది.
ప ఇంటికి వచ్చిన బంధువులు, స్నేహితులముందు జీవిత భాగస్వామిని శాసించడం, నీకేం తెలియదు అని తక్కువ చేసి మాట్లాడకూడదు. చిన్నవిషయానికి విసుక్కున్నా వారి మనసు బాధపడే అవకాశం ఉంది.
ప భర్తకానీ, భార్య కానీ తన బంధువుల, స్నేహితుల ఇంటికి, పంక్షన్స్‌కి, పార్టీలకు వెళతానన్నా వద్దు అని శాసించటం తగదు. ఆయా వ్యక్తులు నచ్చకపోతే మీరు వెళ్ళడం మానేయాలి కానీ భార్యను కానీ, భర్తను కానీ ఒత్తిడి చేయడం మర్యాద కాదు.
ప ఆర్థికపరమైన విషయాల్లో భార్యాభర్తలిద్దరూ కలిసి నిర్ణయాలు తీసుకోవాలి. అంతేకానీ ఒకరికి తెలియకుండా మరొకరు నిర్ణయాలు తీసుకోవడం, ఒక్కరే వెళ్ళి ఇంటికి కావలసిన సామాగ్రిని కొనడం లాంటివి చేస్తే భాగస్వామి మనసు నొప్పించినవారవుతారు.
ప ఫ్లాట్, స్థలం, ఇల్లులాంటి స్థిరాస్తులు కొనుక్కోవచ్చు కదా అని బంధువులు, స్నేహితులు సలహాలివ్వడం సహజం. అటువంటి సమయంలో భాగస్వామి సహకారంలో ఏవైనా లోపాలున్నా సరే వాటిని బయటివారికి చెప్పడం సభ్యతకాదు.
Source : Andhrabhoomi Daily courtesy

వీడ్కోలు 2011-వార్తా వనితలు

2011-12-30T03:05:00.000-08:00

ఏడాది కొందరు మహిళా నేతలు సంచలన విజయాలను నమోదు చేయగా, కొందరు ప్రముఖ మహిళలు అవినీతి ఆరోపణల నేపథ్యంలో వివాదాల్లోకి ఎక్కారు. పశ్చిమ బెంగాల్‌లో 34 ఏళ్ల కమ్యూనిస్టు పాలనకు తెరదించి ఈ ఏడాది జరిగిన అసెంబ్లీ ఎన్నికల్లో విజయ దుందుభి మోగించిన తృణమూల్ కాంగ్రెస్ అధినేత్రి మమతా బెనర్జీ తన జీవితాశయాన్ని నెరవేర్చుకున్నారు.
తెల్లచీరలో, రబ్బరు చెప్పులతో సాదాసీదాగా కనిపించే ‘దీదీ’ బెంగాల్ తొలి మహిళా ముఖ్యమంత్రిగా కీర్తి దక్కించుకున్నారు. పథకం ప్రకారం ఈ ‘ఫైర్ బ్రాండ్’ చేసిన ఎదురుదాడిలో కాకలు తీరిన కమ్యూనిస్టు
నేతలు సైతం పరాభవం చవిచూశారు. తమిళనాడులో వరసగా రెండు సాధారణ ఎన్నికల్లో ఓటమి చవిచూసిన అన్నాడిఎంకె నాయకురాలు జయలలిత తన ప్రచార వ్యూహాన్ని కొత్త పుంతలు తొక్కించి అసెంబ్లీ ఎన్నికల్లో ఘన విజయం సాధించారు. చిరకాల ప్రత్యర్థి అయిన డిఎంకెను చావుదెబ్బ తీసి ఆమె మరోసారి ముఖ్యమంత్రి పీఠాన్ని అధిరోహించారు. 234 సీట్లున్న తమిళనాడు అసెంబ్లీలో 199 సీట్లు సాధించి, డిఎంకెకు ప్రతిపక్ష హోదా లేకుండా చేసి జయలలిత తన ప్రతీకారం తీర్చుకున్నారు.
కాంగ్రెస్ అధినాయకురాలు సోనియా గాంధీ అనారోగ్యంపై ఈ ఏడాది దేశంలో పలు వదంతులు చోటుచేసుకున్నాయి. ఆమె కొన్ని నెలల పాటు న్యూయార్క్ ఆస్పత్రిలో ఉంటి వైద్య చికిత్స చేయించుకున్నారు. సోనియా అనారోగ్యం విషయాన్ని కాంగ్రెస్ పార్టీ గోప్యంగా ఉంచడం పలు అనుమానాలకు తావిచ్చింది. విదేశీ మీడియా ప్రకటించేవరకూ ఆమె అనారోగ్యంపై వాస్తవాలు దేశ ప్రజలకు తెలియకపోవడం విశేషం.
తమిళనాడు మాజీ ముఖ్యమంత్రి, డిఎంకె అధినేత ఎం.కరుణానిధి గారాలపట్టి కనిమొళి ‘2జి-స్ప్రెక్ట్రం’ కుంభకోణంలో కారాగార వాసాన్ని చవిచూడడం దేశ వ్యాప్తంగా సంచలనం సృష్టించింది. వేల కోట్ల రూపాయల్లో అవినీతి జరిగినట్లు ఆరోపణలు రావడంతో ఆమెపై అనేక సెక్షన్ల కింద కేసులు నమోదయ్యాయి. ఈ ఏడాది మై 20న జైలు పాలైన కనిమొళికి కొద్ది రోజుల క్రితమే బెయిల్ మంజూరైంది.
‘కాన్పు’పై బెట్టింగులు..
మాజీ విశ్వసుందరి, బాలీవుడ్ అగ్రనటి ఐశ్వర్య రాయ్ తొలి కాన్పుపై దేశ వ్యాప్తంగా ‘బెట్టింగ్’లు చోటుచేసుకోవడం విశేషం. ఈమె కాన్పుకు సంబంధించి ‘సంయమనం’ పాటించాలంటూ మీడియాకు ఆంక్షలు విధించడం మరో విడ్డూరం. 11-11- 2011న ఐశ్వర్య ప్రసవిస్తుందన్న వార్తా కథనాలు వెల్లువెత్తాయి. అయితే, ఆమె 16-11-2011న ఆడ శిశువుకు జన్మనివ్వడంతో వేలం వెర్రి బెట్టింగులకు, తలాతోక లేని కథనాలకు తెర పడింది.
మాట తప్పిన ‘పూనం’
2011 క్రికెట్ వరల్డ్ కప్ ఫైనల్స్‌లో భారత్ జట్టు గెలిస్తే తాను స్టేడియంలో నగ్నంగా తిరుగుతానని ‘మత్తెక్కించే’ హామీ ఇచ్చిన ప్రముఖ మోడల్ పూనం పాండే దేశ వ్యాప్తంగా సంచలనం సృష్టించింది. వరల్డ్ కప్‌ను మన ఆటగాళ్లు సాధించినా, పూనం హామీ మాత్రం నెరవేరలేదు. యువతను తప్పుదారి పట్టిస్తోందని ఈమెపై పలు కేసులు నమోదయ్యాయి. పూనం మాట తప్పిందని ఆగ్రహించిన కుర్రకారుకు ఆ తర్వాత నెట్‌లో ఆమె ‘బాత్‌రూం’ దృశ్యాలు కొంత ఊరటనిచ్చాయి. అశ్లీల వెబ్‌సైట్లను ప్రభుత్వం అనుమతించాలంటూ వాదిస్తున్న ఈ భామ ఇటీవల తన సొంత వైబ్‌సైట్‌ను ప్రారంభించింది.
శ్రీలక్ష్మిపై కేసులు..
మొదట్లో మంచి ఐఎఎస్ అధికారిణిగా పేరు తెచ్చుకున్న ఎర్రా శ్రీలక్ష్మిపై ఓబుళాపురం గనుల కుంభకోణానికి సంబంధించి సిబిఐ కేసులు పెట్టడం రాష్ట్రంలో సంచలనానికి దారితీసింది. సిబిఐ అరెస్టు చేయడంతో కొన్ని రోజులపాటు జైలులో ఉన్న ఈమెకు ఆ తర్వాత బెయిల్ లభించింది.
సుదీర్ఘ నిరాహార దీక్ష..
‘ఐరన్ లేడీ ఆఫ్ మణిపూర్’గా ఖ్యాతిగాంచిన షర్మిల చాను చేస్తున్న నిరాహార దీక్షకు పదకొండేళ్లు పూర్తి కావడం దేశంలో సంచలనం సృష్టించింది. మణిపూర్‌లో ప్రత్యేక అధికారాలున్న సాయుధ దళాలను ఉపసంహరించాలని ఈమె 2000 నవంబర్‌లో నిరాహార దీక్ష ప్రారంభించింది. సుదీర్ఘకాలం పాటు నిరాహార దీక్ష చేస్తున్న మహిళగా చాను ప్రపంచవ్యాప్తంగా కీర్తి సాధించింది.
ఇక, బాలీవుడ్ నటి విద్యా బాలన్ ‘ద డర్టీ పిక్చర్’లో తన అందచందాలను ప్రదర్శించి వివాదాలను, కోర్టు కేసులను ఎదుర్కొంది. దివంగత నటి సిల్క్ స్మిత జీవితకథ ఆధారంగా నిర్మించిన ‘ద డర్టీ పిక్చర్’లో విద్యాబాలన్ నటనకు విమర్శకుల ప్రశంసలు దక్కాయి.
తన అద్వితీయ నటనతో, అందచందాలతో ప్రేక్షకులను మెప్పించిన హాలీవుడ్ నటి ఎలిజబెత్ టేలర్ (79) సుదీర్ఘ అనారోగ్యంతో ఈ ఏడాది మార్చిలో కన్ను మూసింది. ఎనిమిది వివాహాలు చేసుకున్న టేలర్ తన వ్యక్తిగత జీవితంలో ఎన్నో ఒడిదుడుకులను చవిచూసింది. ఎయిడ్స్ నివారణకు అంతర్జాతీయ స్థాయిలో విశేష కృషి చేసి తన సామాజిక బాధ్యతను చాటుకుంది.
ప్రపంచంలోనే పొట్టి మహిళ..
మహారాష్టల్రోని నాగపూర్‌కు చెందిన జ్యోతి ఆమ్గే (18) ప్రపంచంలోనే అతి పొట్టి మహిళగా గిన్నిస్ బుక్ రికార్డును కైవసం చేసుకుంది. కేవలం 62.8 సెంటీమీటర్ల పొడవున్న ఈమె కొద్ది రోజుల క్రితమే గిన్నిస్ రికార్డు సాధించినట్లు ధృవపత్రాన్ని పొందింది. అమెరికా మహిళ బ్రిడ్జెట్ జోర్డాన్ (69.49 సెంటీమీటర్లు) రికార్డును అధిగమించిన జ్యోతి ‘ఆకాండ్రోప్లాసియా’ అనే వైద్య సమస్య కారణంగా పొడవుగా ఎదగలేక పోయింది.

మొక్కల సంరక్షణ ఇలా..

2011-12-28T06:25:00.000-08:00

ఇంటిలోపల స్థలాన్ని బట్టి కుండీలను ఏర్పాటు చేసుకోవాలి. గాలి, వెలుతురు, ఉష్ణోగ్రతల మేరకు పెరిగే మొక్కలను ఎంపిక చేసుకోవాలి.
మట్టికుండీల్లో నీరు త్వరగా ఇంకిపోతుంది. ప్లాస్టిక్ కుండీలైతే అప్పుడప్పుడు నీరు పోస్తే సరిపోతుంది.
రంధ్రాలు లేని కుండీల్లో నీరు నిల్వ ఉండడం వల్ల మొక్కలు కుళ్లిపోయే ప్రమాదం ఉంది.
మొక్కలు బాగా పెరగాలంటే గాలి బాగా ఉండే ప్రదేశంలో కుండీలు ఉంచాలి. సారవంతమైన మట్టిని వాడాలి.
వర్షాకాలం, చలికాలంలో మొక్కల వేళ్లలో ఎదుగుదల తక్కువగా ఉంటుంది గనుక నీటిని అధికంగా పోయరాదు. ఉష్ణోగ్రత అధికంగా ఉండే వేసవిలో మాత్రమే కుండీల్లో నీరు తరచూ పోయాలి. లేకుంటే మొక్కల్లో ఆకులు మాడిపోయే అవకాశం ఉంది.
మధ్యాహ్నం కన్నా సాయంత్రం వేళలో మాత్రమే కుండీల్లో నీరు పోయాలి.
కుండీల్లో ద్రవరూపంలో ఉండే ఎరువులను వేయాలి. వేసవిలో ఎరువుల మోతాదు పెంచడం, చలికాలంలో తగ్గించడం చేయాలి.
శ మొక్కలు త్వరితగతిన పెరగాలంటే తరచూ కుండీలను మార్చడం లేదా పై భాగంలోని మట్టిని మార్చాలి.
Written by Shalini in Andhrabhoomi daily

చక్కని ఆరోగ్యానికి ఏడు సూత్రాలు

2011-12-21T04:05:00.000-08:00

ఆరోగ్యంగా ఉండాలంటే వ్యాయామాలు చేయాలనీ, పౌష్టికాహారం తీసుకోవాలనీ చెడు అలవాట్లు మానుకోవాలనీ అందరూ అంటూంటారు. చాలామంది నుంచి ఎప్పుడూ వినే మాటలే ఇవి. అయితే నిజమైన ఆరోగ్యం మన నిత్య జీవనంపై ఆధారపడి ఉందన్న సంగతిని చాలామంది విస్మరిస్తున్నారు. ఆరోగ్యంగా ఉండాలటే మానసిక ప్రశాంతత కావాలి. సమస్యలు ప్రతి ఒక్కరికి ఉంటాయి. వాటిని ఎదుర్కోవటానికి ప్రయత్నించాలి. అంతేకాని వాటినుండి పారిపోవాలని చూడకూడదు. వయసు పైన పడుతున్నా దానిని కనబడకుండా చేసుకోవాలంటే, ఏ చింతా లేని చిరునవ్వే మనకు శ్రీరామరక్ష. ‘‘మీ జీవితాన్ని మీరు ప్రేమించినట్లయితే, మీ జీవితం మిమ్మల్ని ప్రేమిస్తుంది’’ అని ఆర్థర్ రుబిన్ స్టెన్ అనే శాస్తజ్ఞ్రుడు సెలవిచ్చాడు. మీరూ అలా వుండటానికి ఈ రోజే శ్రీకారం చుట్టండి.
ఈ కింద ఇవ్వబడిన ఏడు సూత్రాలను పాటించి చూస్తే చక్కని ఆరోగ్యం మీ చెంతనే వుంటుంది.
కలహాలు మానుకోవాలి
చాలామంది ఆలుమగలు చీటికీ మాటికీ పోట్లాడుకుంటూ, సంసారాన్ని దుఃఖమయం చేసుకుంటారు. దాంపత్య జీవితంలో ఇరువురు ఒకరికొకరు సహకరించుకోవాలి. రక్తపోటు, మధుమేహం, గుండెపోటు వంటి రోగాలకు చాలా మటుకు మానసిక ఆందోళన మాత్రమే కారణంగా చెప్పుకోవాలి. ఆలుమగలు ఇద్దరి మధ్య సఖ్యత లేకపోవడంవల్ల కొన్ని సమస్యలు వస్తాయి. తాము ఎప్పుడూ సంతోషంగా ఉండటానికి, అనారోగ్యాలకు దూరంగా ఉండటానికి కారణం కేవలం తమ భార్యామణులేనని కొందరు మగవారు చెప్పినట్లుగా ఒక అధ్యయనం ద్వారా వెల్లడైంది. దంపతులు ఎటువంటి తగాదాలు లేకుండా నిత్యం సంతోషంగా ఉండగలిగితే అనారోగ్యం దరిచేరదని నిపుణులు అంటున్నారు. ఆలుమగలు కలహాలు మాని దాంపత్య సుఖాన్ని అనుభవిస్తూ మంచి జీవితాన్ని గడుపుతూ ఉంటే తలనొప్పి, కీళ్ళనొప్పులు వంటివే కాక, మానసిక ఒత్తిడులు కూడా దూరమవుతాయని అమెరికాలోని హ్యూమన్ సెక్సువాలిటీ (్హఖ్ఘౄశ డళనఖ్ఘ్ప్ఘజఆక) సంస్థ చెబుతోంది. సంతృప్తికరమైన లైంగిక జీవనం గడుపుతున్న దంపతులలో ఆత్రుత, ఒత్తిడి వంటివి ఉండవని నిపుణులు చెబుతున్నారు.
శరీరంపై నియంత్రణ
మన శరరం మనతో మాట్లాడుతుందన్న సంగతి మీకు తెలుసా! ఇది నిజం. ఉదాహరణకు చూస్తే శరీరానికి సంబంధించి తలనొప్పి, ఇతర నొప్పులతో కొందరు బాధపడుతూ ఉంటారు. దీనివల్ల వారు ఏ ఇతర పనులపైనా శ్రద్ధాసక్తులను చూపించలేరు. కొన్ని సందర్భాలలో తీవ్రమైన అనారోగ్యం పాలవుతూంటారు. వీటన్నింటికీ కారణం మానసిక స్థితిగతులు. ఈ ప్రభావం మన శరీరంపై ఉంటుంది. అనారోగ్యం తీవ్రమైతే కొన్నిసార్లు ప్రమాదానికి దారితీయవచ్చు. సాధ్యమైనంత వరకూ బాధలను మరచిపోయి ఉత్సాహంగా ఉండాలి. మన శరీరాన్ని మన అధీనంలో ఉంచుకోవాలి. దానికి ఎటువంటి బాధ కలగకుండా బాధ్యత వహించాలి. మనం చెప్పినట్లుగా మన శరీరం వినాలి కానీ శరీరం చెప్పినట్లు మనం వినకూడదు.
తగినంత నిద్ర
ప్రతి మనిషికి రోజూ తగినంత నిద్ర అవసరం. సరైన, తగినంత నిద్రలేకపోయినా, వేళకి నిద్ర పోకపోయినా, అనారోగ్యపు తలుపులు తట్టినట్లేనని చాలామందికి తెలియదు. అంతటి ముఖ్యమైన నిద్రని మనకి తెలీకుండానే చాలామంది నిర్లక్ష్యం చేస్తుంటారు. నేటి తరంలో, కాలంలో ప్రతి ఒక్కరికీ పని గంటలు ఎక్కువే కాబట్టి, రాత్రి పూట కనీసం 7 నుండి 9 గంటలపాటైనా నిద్రపోవాలని పరిశోధకులు, వైద్య నిపుణులు చెబుతున్నారు. రోజంతా అలసిపోయిన శరీరానికీ, మనసుకూ విశ్రాంతి ఎంతో అవసరం. మనిషికి తగినంత నిద్రలేక, అనారోగ్యం పాలైతే, ఆయుర్దాయం తగ్గే అవకాశాలు ఎక్కువగా ఉన్నాయి.
ఆరోగ్యకరమైన ఆహారం
మన ఆరోగ్యం మనం తినే దానిపైనే ఆధారపడి ఉంటుంది. మనం ఏం తిన్నా, దానిపైన ఇష్టంతో తినాలిగానీ, విధిలేక వేరే దారి లేక ఏదో తింటున్నాంలే అన్నట్లుగా తినకూడదు. కానీ ఈ సూత్రాన్ని పాటించేవారు చాలా తక్కువ. ఎప్పుడూ హడావుడిగా త్వరగా భోజనం, ఫలహారం పూర్తిచేయాలనే చాలామంది చూస్తారు. ఇందుకు కారణం యాంత్రిక జీవనం. ఇది అందరికీ తెలిసిన విషయమే. యాంత్రిక జీవనానికి తగినట్లుగా యాంత్రికంగా భోజనం చేయకూడదు. అలాగే మనం తినే ఆహారంలో విటమిన్లు, కాల్షియం, లవణాలు వుండేలా చూసుకోవాలి. ఇంకా తాజా పండ్లు, మంచి బలాన్ని, పుష్టిని ఇచ్చే ఆహారం కూడా అవసరం. వంట తయారీకి ఉపయోగించే నూనె నాసిరకంది కాకుండా చూసుకోవాలి. ఆహారం విషయంలో సమయపాలన చాలా అవసరం. భోజనం చేసేటపుడు ప్రశాంతంగా వుండాలి. ఎటువంటి ఒత్తిడులు వుండకూడదు. అప్పుడే సరియైన భోజనమే సంపూర్ణ ఆరోగ్యానికి మార్గం అన్న విషయానికి సార్థకత ఉంటుంది.
విధి నిర్వహణలో సంతృప్తి
‘పనే దైవం’ అంటారు. మనం ఏం పని చేసినా దానిపై అభిమానం వుండాలి. అది ఏ పనైనా సరే అయిష్టంగా చేయకూడదు. దానిమీద శ్రద్ధతో, కార్యదీక్షతో చేయాలి. అపుడే మనం సంతృప్తికరమైన, ఆనందకరమైన జీవితాన్ని గడపగలం. మనలో కొందరు తాము కోరుకున్న ఉద్యోగం రాలేదనీ, కోరుకున్న విధంగా జీవితం లేదనీ, గత్యంతరం లేక ఇష్టంలేని ఉద్యోగం చేస్తున్నాననీ బాధపడుతూంటారు. కానీ అలాంటి భావనతో ఉండటం తప్పు. మన పనే మనకు ఆధారం కాబట్టి దానిమీద విశ్వాసం ఉండాలి. అందులో కష్టాలున్నా, నష్టాలున్నా ధైర్యంతో ఎదుర్కోగలగాలి. మన పనిని మనం ప్రేమించాలి. అదే ఆరోగ్య సూత్రం.
దైవచింతన అవసరం
మనలో చాలామంది అన్నిటికీ ఆ భగవంతుడు ఉన్నాడు అంటూంటారు. నిజమే. కానీ మానవప్రయత్నం తరువాతే ఏదైనా అన్న సంగతిని మనం విస్మరిస్తున్నాం. అంటే దైవశక్తిని, దైవాన్ని తక్కువ చేయటం కాదు. మన ప్రయత్నం మనం చేయకుండా, అన్నింటికీ దైవ సహాయం కావాలంటే ఎలా? మనం ఏ పని తలపెట్టినా సత్సంకల్పంతో, మనస్ఫూర్తిగా, నీతిగా నిజాయితీగా చేస్తే తప్పక భగవదనుగ్రహం లభిస్తుంది. అలాగే మానసిక ఒత్తిడి తగ్గేందుకు అప్పుడప్పుడూ పుణ్యక్షేత్రాలను దర్శిస్తూ ఉండాలి. మనసుకు ఉల్లాసాన్ని, ఆహ్లాదాన్ని అందించే శాస్ర్తియ సంగీతం, ఇతర సాంస్కృతిక కార్యక్రమాలను వీక్షించాలి. అలాగే మంచి మంచి పుస్తకాలను చదవాలి.
ఆత్మీయత అవసరం
కొంతమంది ఎప్పుడూ జీవితంలో ఏదో పోగొట్టుకున్నవారిలా కనిపిస్తారు. వీరితో చాలామంది ఆర్థికంగా, మానసికంగా నష్టపోయినవారు అయివుంటారు. ఇలాంటివారు జరిగిన దానికి బాధపడుతూ కూర్చునేకంటే నలుగురితో కలిసిపోయి సంతోషంగా, ఆనందంగా ఉండటానికే ప్రయత్నం చేయాలి. ఇందుకోసం అయినవారు, ఆప్తులు, బంధు మిత్రులుసహాయం తీసుకోవచ్చు. మనసును అల్లకల్లోం చేసుకోకుండా ప్రశాంతంగా ఉండగలిగితే అనారోగ్యం దరికి రాదు.
(ఆంధ్రభూమి నుంచి సేకరణ )

కొన్ని tatto ల ఫొటొలు మీకోసం

2011-12-17T06:52:00.000-08:00

వత్తిడి ఎలా తగ్గించుకోవాలి?

2011-12-06T03:28:00.000-08:00

నేడు ప్రతివారికీ టెన్షనే్స. మరి దాన్ని ఎలా తగ్గించుకోవాలి? చిర్నవ్వుతో దాన్ని ఎదుర్కోవాలి. ప్రతి పదిమందిలో 9 మందికి నేడు అక్కర్లేని టెన్షన్, ఖంగారు! మరి దీన్నించి ఎలా విముక్తి పొందాలి? దానిమూల కారణం కనుక్కోవాలి. దాన్నించి ధ్యాసని మరల్చాలి. నెమ్మదిగా చాలాసేపు గాలి పీల్చి వదిలి, తీసుకుంటుండాలి. ముక్కు కొసని చూడండి. చల్లటి నీరు, పళ్లరసాలు వెంటనే తాగండి. ఒక్కరే శాంతంగా ఏకాంతంగా కూచోండి, సన్నగా సంగీతం వినండి. అలా బైటికి షికారుకు లేదా లైబ్రరీకో, గుడికో వెళ్లండి. ఫ్రెండ్స్‌తో మాట్లాడండి. ఫోన్‌లో మీకు ఇష్టమైన వారితో కబుర్లు చెప్పండి

కోమలి-కేబ్-కేరాఫ్ ‘సఖ’-* మహిళా ‘కాబ్’ డ్రైవర్లు

2011-10-29T23:44:00.000-07:00

న్యూఢిల్లీ లాంటి మహా నగరంలో మహిళలకు భద్రత లేదన్న నిజం తెలిసిందే. ప్రతిరోజూ పట్టణంలో ఏదో మూల ‘కాబ్’ డ్రైవర్ల వల్ల గానీ.. మగాళ్ల దాష్టీకానికి గానీ బలవుతున్న వారి సంఖ్య అంచనాకు మించి ఉంటున్నాయన్నదీ తెలిసిందే. ఆకతాయిల ఆగడాలనూ.. బస్సుల్లో వెకిలిచేష్ఠలనూ.. ‘స్కానింగ్’ కళ్ల నుంచీ.. యాసిడ్ అకృత్యాల నుంచీ తప్పించుకోటానికి ఇంటికే పరిమితమవుతున్న వారూ లేకపోలేదు. మరి ఇన్ని కారణాలూ అవాంతరాలనూ ఎదుర్కొని జీవితంలో మరో కోణాన్ని ఆవిష్కరిస్తున్న న్యూఢిల్లీ ‘కాబ్’ వనితల కథ వింటే ఎవరికైనా నమ్మబుద్ధి కాదు. కానీ ఇది నిఖార్సయిన నిజం. ‘కాబ్’ డ్రైవర్ల (అందరూ దుష్టులూ దుర్మార్గులూ ఉంటారని కాదు) బారి నుంచీ మహిళలను రక్షించటానికి 2008లో ‘సఖ’ అనే సంస్థను మీనూ వధేరా స్థాపించింది. ‘కాబ్ సర్వీస్ రన్ బై ఉమెన్ ఫర్ ఉమెన్’ స్లోగన్‌తో ఆరంభమైన ఈ సంస్థ అనతికాలంలోనే మహిళలకు అతి చేరువైంది. ‘ఆజాద్ ఫౌండేషన్’ ద్వారా స్వచ్ఛందంగా ఏర్పాటు చేసిన ఈ ‘సఖ’లో సభ్యత్వం తీసుకున్న మహిళలకు ‘డ్రైవింగ్’లో శిక్షణ నివ్వటం.. బ్యాంక్ ఫైనాన్స్ ద్వారా రుణ సౌకర్యం అందించటం చేస్తోంది. 4-6 ఆరునెలల మధ్య కాలంలో డ్రైవింగ్‌కి సంబంధించిన అన్ని అంశాలను బోధించటంతోపాటు - చిన్నచిన్న రిపేర్లు.. టైర్లు మార్చటం ఇత్యాదివి వాటిలో శిక్షణ నిస్తారు.
అమ్మాయి లకు డ్రైవింగ్ ఏం తెలుస్తుంది? అదీ ప్రొఫెషనల్‌గా అంటూ ఎగతాళి చేసిన వారి నోట ఇప్పుడు మాట లేదు. న్యూఢిల్లీ వీధుల్లో 2008లో అడపాదడపా కనిపించే మహిళా ‘కాబ్’ డ్రైవర్ల శాతం 2011 నాటికి గణనీయంగా పెరిగింది. ఈ కాబ్స్‌లో మహిళలకు మాత్రమే ప్రవేశం. ఈ రోజున ఒంటరిగా రోడ్డు మీద వెళ్లాలంటే భయపడే అమ్మాయిలు సైతం ముందుగా మహిళా ‘కాబ్’లను ఫోన్ ద్వారా సంప్రదించి సురక్షితంగా గమ్య స్థానాన్ని చేరుకుంటున్నారు. దీంతో పోలీసులు కూడా కాస్తంత ఊపిరి పీల్చుకుంటున్న మాట వాస్తవమని వారి లెక్కలే చెబుతున్నాయి.
‘సఖ’ ద్వారా ఎంతోమంది మహిళలకు ఉపాధి లభిస్తోంది. ఈ సంస్థ చేస్తున్న సేవలకు గాను 2010లో ‘బిజినెస్ ఛాలెంజింగ్ అవార్డు’ రావటంతోపాటు 15 వేల యూరోలను గెలుచుకుని ఏ రంగంలోనైనా మహిళలు ధీటుగా నెగ్గుకు రాగలరని మరోమారు నిరూపించారు.
‘సఖ’ సిఒఒ నయనతార జనార్దన్ మాటల్లో వింటే - సమాజంలో ఎంతోమంది అట్టడుగు వర్గ మహిళలు ఏ ఉపాధిని ఎంచుకోవాలో తెలీక సతమత మవుతున్నారు. అదీగాక కూలీ ద్వారా వచ్చే మొత్తం అతి తక్కువ. కుటుంబ పోషణకు ఏ మాత్రం సరిపోదు. అన్ని చోట్ల మగాళ్లదే రాజ్యం. వారు చెప్పినట్టు అణిగి మణిగి ఉండాల్సిందే. లేకుంటే తెల్లారి మరో కూలీ. ఇలా ఎన్నాళ్లు? అన్న ఆలోచన ఒకవైపు.. మహా పట్టణాల్లో ‘కాబ్’ డ్రైవర్ల అకృత్యాల నుంచీ మహిళలను రక్షించటానికి మహిళలే ముందంజ వేయాలన్న ఆలోచన మరోవైపు కలిసి -సఖ’ సంస్థను స్థాపించటానికి పునాదులు వేశాయి. ‘సఖ’లో చేరిన మహిళలు ఈ రోజు నెలకు 5 వేల నుంచీ 7 వేల వరకూ జీతభత్యాలను పొందుతున్నారు. సగటున ఇది చిన్న మొత్తం కావొచ్చు గానీ - రోజు గడవని పరిస్థితుల్లో ఆ మాత్రం ‘చేయూత’ అవసరం. మా వద్దకు వచ్చే ఒక్కో కథ వింటూంటే సమాజంలో మహిళలు ఎంతగా ఎదిగారని అనుకున్నా.. మనం ఇంకా ‘ఆటవిక’ పరిధిలోనే ఉండిపోయామన్నది తెలిసింది. మా వంతు సహకారం అందించటానికి మేం వేసిన మొదటి అడుగుకి మరిన్ని అడుగులు కలుస్తాయని ఆశిస్తున్నాం అంటున్నారు.

కార్తికం.. అత్యంత ఫలప్రదం

2011-10-29T23:39:00.001-07:00

సూర్యుడు తులారాశిలో ప్రవేశించే ఈ కార్తికంలో సూర్యానుగ్రహంతో సర్వకార్యాలు నెరవేరుతాయని పురాణోక్తి. జనక వశిష్ఠుల సంభాషణలో వశిష్ఠులవారు ఓసారి కార్తిక పవిత్రత గురించి చెపుతూ ఈ మాసంలో ఏది దానం చేసినా దానికి రెట్టింపు ఫలితాన్ని పొందవచ్చని అన్నారు. ఈ మాసంలో ఆచరించే నదీస్నానాలు అమోఘమైన ఫలితానిస్తాయి.
‘‘సర్వపాపహరం పుణ్యవ్రతం కార్తిక సంభవం
నిర్వఘ్నం కురుమే దేవా దామోదర నమోస్తుతే’’
అంటూ ముందుగా దామోదరుణ్ణి స్తుతించి నదీస్నానం చేయాలి. వాపీకూప తటకాది సమస్త సజ్జలాశయాలలోనూ విష్ణువు వ్యాపించి ఉంటాడు. కనుక ప్రాతఃకాలంలో ఎక్కడ స్నానం చేసినా శుద్ధాత్ములై శివునకు ప్రీతిపాత్రులవుతారు.
దేవతలకు, పితరులకు ఈ మాసంలో వదిలే తర్పణాలు అధిక ఫలాతాంశాన్ని ఇస్తాయ. అఘమర్షం మంత్రజపంతో బొటనవ్రేలి కొనతో నీటిని తొలిచి మూడు దోసెళ్ళనీళ్ళను గట్టుమీద పోసి తీరానికి చేరుకుని కట్టుబట్ట కొనలను పిండాలి. దీనినే ‘యక్షతర్పణం అంటారు. దుస్తులను ధరించి, సంధ్యావందన గాయత్రి జపాలనాచరించాలి. ఔపోసనం చేసి బ్రహ్మయజ్ఞం ఆచరించి మంచి పుష్పాలతో శంఖ చక్రధారియైన విష్ణువును సభక్తికంగా పూజించాలి. కార్తిక పురాణ పఠనం చేయాలి. సాయంకాలం శివాలయంలోగాని వైష్ణవాలయంలోకాని యథాశక్తి దీపాలను పెట్టి శివకేశవులను అభేదంగా పూజించాలి.
ఇలా నెలంతా చేయలేని వారు కేవలం సోమవారాలు మాత్రం శివుని పూజించినా విశేష ఫలాలను పొందుతారు. అందుకే ఈ మాసంలో సోమవార వ్రతం అత్యంత ఫలదాయకమని అంటారు. కార్తిక సోమవార వ్రతం చేసినవారికి భగవంతుడు అశ్వమేధయాగ ఫలాన్ని ఇస్తాడని పురాణాలు చెప్తున్నాయి.
ఈ మాసంలో ఉపవాసాలు కూడా ప్రముఖమైనవే. ఇపుడు పగలల్లా ఉపవాసం చేయాలి. సాయంత్రం స్నానపానాదుల తర్వాత శివ వైష్ణవాలయాయ భేదం పాటించకుండా వారి వసతినిబట్టి ఆ కోవెలలో దీపారాధన చేయాలి. శివపూజ చేసి నక్షత్ర దర్శనం చేసుకోవాలి. ఇక ఇపుడు ఉపవాసదీక్షను విరమించి శివప్రసాదాన్ని భక్తియుక్తంగా సేవించాలి. ఇలా చేసిన వారికి ఈ లోకంలో సిరిసంపదలకు కొదువ ఉండదు. అంతేకాక శివసాయుజ్యం తప్పక దొరుకుతుందంటారు.
ఒంటిపూట భోజనం నక్తం, సోమవార వ్రతాల ఆచరణల కన్నా శివభక్తి ముఖ్యమన్నదే శివారాధన చేసినవారి కథల ద్వారా తెలుస్తుంది. మనసున భక్తి ప్రపత్తులు నెలకొంటే, పరులను హింసించకుంటే చాలు శరీరం మాలిన్యంతో నిండినా భోళాశంకరుడు తన భక్తులను ఎంతో ఆర్తిగా అక్కున చేర్చుకుంటాడు. నోరు తెరిచి శివా అని పిలిస్తే చాలు శివుడు ఆఘమేఘాలపై పరుగెత్తుకు వచ్చి తన భక్తులను ఆదుకొంటాడు. తన వారికి అఖండైశ్వర్యాలను ప్రసాదిస్తాడు. అందుకే శివుణ్ణి మంత్రయుక్తంగానో, గొప్ప నైవేద్యాలతోగాని ఆనందింపచేయనవసరం లేదు. అభిషేకప్రియుడైన శివుణ్ణి ఓ చెంబునీళ్లను తలపై పోస్తూ ఓం నమో నమశ్శివాయ అని మనసున తలిస్తే చాలు తన ఆపన్నహస్తంతో హరిహరుడు ఆదుకొంటాడు.
సోమవార వ్రతకథ: పూర్వం నిష్ఠాగరిష్ఠులైన దంపతులకు నిర్ఘరి అనే కుమార్తె ఉండేది. ఆమె చాలా అందమైంది దానికి తగ్గట్టు పొగరుపట్టిన నడత గలది. పైగా కాముకురాలు. వివాహం అయిన తర్వాత తమ కూతురి ప్రవర్తన బాగుంటుందని తలచిన తల్లితండ్రులు ఓ మిత్రశర్మ అనేవారికిచ్చి నిర్ఘరి వివాహం చేసారు. సద్గుణవంతుడు, సదాచార సంపన్నుడైన మిత్రశర్మ నిర్ఘరిని మార్చలేకపోయాడు. గుణాలవల్ల నిర్ఘరిని అందరూ కర్కశ అని పిలవడం మొదలెట్టారు. ఈ కర్కశ ఆడింది ఆటగా పాడింది పాటగా సాగింది. ఈ కర్కశ భర్త అమాయకత్వాని చూసి పర పురుషుల సాంగత్యంతో కాలం గడిపేది. ఇతర పుణ్యవంతులను కూడా పాపానికి పురికొల్పేది. భగవంతునిపై భక్తిని పెంచుకోమని చెప్పే భర్తను తన కార్యాకలాపాలకు అడ్డుగా ఉన్నాడనుకొంది. వెంటనే అతనిని అంతమొందించింది. తన ఇష్టప్రకారం తన కార్యాలను సాగించేది. ఇలా కాలం గడుపుతున్న కర్కశకు వృద్ధాప్యం వచ్చింది. దానికితోడు కుష్ఠువ్యాధి పీడితురాలు అయ్యింది. నానాబాధలు పడింది. చివరకు కాలంతీరింది. కర్కశ యమదూతలకు చిక్కింది. ఆమె చేసిన పాపాలకు వారు శిక్షలు వేసారు. ఆ శిక్షలను అనుభవించి ఎన్నో జన్మలను ఎత్తింది. కర్కశ 15వ జన్మగా ఓ శునకంగా ఓ బ్రాహ్మణుని ఇంట జన్మించింది. దొరికిన దానితో కాలం గడుపుతుండేది. ఆ ఇంట ఉన్న బ్రాహ్మణుడు ఓ కార్తికమాసంలో సోమవారం నాడు పగలల్లా ఉపవాసం చేశాడు. సాయంత్రం శివపూజచేసి నక్షత్ర దర్శనానంతరం బలిదానం చేసాడు. దానితో ఆ ఇంట ఉన్న శునకరూపంలోని కర్కశ దినమంతా అభోజనంగా ఉండిపోయింది. సాయంత్రపువేళ బలికి పెట్టిన అన్నాన్ని ఆబగా తినింది. ఆ సోమవార ఉపవాస ఫలితంగా ఆమెకు పూర్వ జన్మజ్ఞానం వచ్చింది. సర్వాన్ని గ్రహించింది. బ్రాహ్మణునికి తన విషయం అంతా వివరించింది. తనకు ఒక్కరోజు సోమవార వ్రతఫలాన్ని ఇవ్వమని వేడుకొంది. సహృదయుడు, శివభక్తుడైన ఆ బ్రాహ్మణుడు ఆ శునకానికి తాను ఆచరించి సంపాదించిన సోమవార వ్రత పుణ్యాన్ని ధారపోశాడు. దాని ఫలితంగా ఆ కుక్కగా ఉన్న కర్కశ దేహాత్యాగం చేసి శివసాయుజ్యం పొందింది. ఈ వత్రం ఆచరించిన వారికి ఈ కథ విన్నవారికి కూడా పాపనాశం జరుగుతుందని ఈ సోమవార వ్రత ఫలితం చెప్తోంది. ఇలాంటి సోమవార వ్రతాన్ని అందరం ఆచరించి ముక్తిని పొందుదాం.
- దుర్గాప్రసాద్ ( ఆంధ్రభూమి నుండి )

భార్యలూ..జాగ్రత్త!

2011-10-11T20:57:00.001-07:00

మన దేశంలో భర్తకు అహంకారం పాలెక్కువ. భార్యను ప్రేమించినా, అది బయటకు ఆమె వద్ద వ్యక్తపరచడు. కారణాలనేవి ప్రత్యేకంగా లేకపోయినా, కొంత భేషజం చూపించటానికే. అది చూసిన భార్య భర్తకు తనంటే ఇష్టం లేదని అనుకుని, తాను కూడా దూరంగా ఉంటుంది. నిజానికి భార్యాభర్తలు రబ్బర్ బ్యాండ్ లాంటివారు. దూరంగా వెళ్లినట్లు సాగినా, సమయం దొరికినప్పుడు దగ్గరై పోతారు. కొంతకాలానికి రబ్బర్ బ్యాండ్ టెన్షన్ కోల్పోయి లూజు అయినట్లు, వారిద్దరి మధ్య దూరం శాశ్వతమై పోతుంది.
భర్తల మూడ్స్, భార్య పట్ల ప్రవర్తన ప్రాంతాలనుబట్టి మారుతుంటాయి. అత్తవారింట్లో ఉన్నప్పుడు భార్యతో సరదాగా మాట్లాడినట్లుగా, తన తల్లిదండ్రుల ముందు మాట్లాడకపోవచ్చు. దానికేవో కారణాలుండొచ్చు. అటువంటి సందర్భంలో ఆయన్ను దోషిగా చూడకండి. మీ వారి మూడ్ బాగా ఉండే సమయాలేవో గుర్తించి, ముఖ్యమైన విషయాలు, ఆర్థిక విషయాలు చర్చించండి. మీ మనసులో అనుకున్న వెంటనే అడిగేయకండి. మీకు సమస్యలున్నప్పుడు, ముందుగా పిల్లల గురించి ప్రస్తావించండి. అప్పుడు ఉత్సాహంగా మాట్లాడతాడు. అప్పుడు మీ విషయం మెల్లగా చెప్పండి. పిల్లల ముందు ఆయనతో పోట్లాటకు దిగకండి. ఆయన చేయరాని పనులు, (విపరీతమైన తాగుడు, సిగరెట్లు, పేకాట) చేసినప్పుడు, పిల్లలతోనే చెప్పించండి. వెంటనే కాకపోయినా, తర్వాతనైనా మార్పు వస్తుంది. అప్పటికీ రాకపోతే మీరే తగిన విధంగా చెప్పండి.
మీకు ప్రేమతో బర్త్‌డే గిఫ్ట్ ఇచ్చినప్పుడు నవ్వుతూ థాంక్స్ చెప్పి తీసుకోండి. అంతేకాని.. అప్పుడివ్వలేదు. ఇప్పుడెందుకు? అని తూలనాడకండి. ఎట్టి పరిస్థితుల్లోనూ అతని తల్లిని విమర్శించకండి. దాని ప్రభావం మరో విధంగా ఉంటుంది. ఎంతైనా తల్లికి కొడుకు మీదా, కొడుక్కి తల్లి మీద ప్రేమ ఉంటుంది. మీ భర్తను అమ్మాయిల విషయంలో అనుమానించవద్దు. మీ కళ్లతో మీరు చూసేదాకా త్వరగా ఏ నిర్ణయానికి రావొద్దు. ఎందుకంటే తాము తప్పు చేయకపోయినా, భార్య పదేపదే అనుమానిస్తుంటే, అది నిజమయ్యే ప్రమాదం ఉంది. తర్వాత మీరు చింతించినా ఏం ప్రయోజనం లేదు. ఆయనలో ఏదైనా ప్రతిభ ఉంటే గుర్తించి ‘నేను మీ ఫ్యాన్‌ని’ అని చెప్పండి. అలా అనిపించకపోయినా నటించండి. దాంతో మీ ఆయన బుట్టలో పడిపోతాడు. ఏదేమైనా భార్యాభర్తలు ఒకరికొకరు అన్యోన్యతగా ఉంటేనే సంసారం సజావుగా ఉంటుంది.

వయసుతో పనిలేదంతున్న కాజల్

2010-07-30T21:18:00.000-07:00

శ్రియ

2010-07-30T21:15:00.001-07:00

2010-07-30T21:08:00.000-07:00

సొరకాయ పచ్చడి

2010-07-30T21:03:00.001-07:00

పాపాయి పదిలం ఇలా

2010-07-30T21:02:00.000-07:00

ఆకట్టుకొనే స్వాగతం

2010-07-30T20:59:00.001-07:00

మొలకల దోస

2010-07-30T20:57:00.001-07:00

మొక్కజొన్న పనీర్ పకోడీ

2010-07-30T20:56:00.000-07:00

పలువురూ మెచ్చేలా...

2010-07-30T20:54:00.001-07:00

చిల్లీ బంగాళాదుంప

2010-07-30T20:47:00.000-07:00

ప్రణీత

2010-07-10T20:31:00.000-07:00

శ్రద్ద ఆర్య

2010-07-10T20:30:00.000-07:00

వివాహ సూత్రాలు -ఆలూ మగల ఆనందానికి

2010-07-10T20:29:00.000-07:00

గుడ్డు పరోటా

2010-07-10T20:28:00.001-07:00

టట్టూ డిజైన్స్

2010-07-10T20:15:00.000-07:00

ప్రణీత

2010-07-08T08:40:00.000-07:00

ప్రణీత

బేబీ కార్న్ మంచూరియా

2010-07-08T08:21:00.000-07:00

2010-07-07T07:44:00.000-07:00

వర్షాకాలం అతివల సొగసుకు సూత్రాలు

2010-07-07T07:42:00.000-07:00

ఫ్యాషన్ - ఫ్యాషన్

2010-07-06T08:25:00.000-07:00

వంట: బంగాళాడుంప అప్పడం చాట్

2010-07-06T08:23:00.001-07:00

చిట్కా వైద్యం

2010-07-06T08:22:00.000-07:00

వంట: కొబ్బరి బిస్కెట్ రోల్స్

2010-07-06T08:20:00.001-07:00

వంట: పాలకూర పూరీలు

2010-07-06T08:18:00.000-07:00

నజరానా

2010-07-06T08:16:00.001-07:00

క్యాబేజీ రోల్స్

2010-07-06T08:15:00.000-07:00

అరటి చేసే మేలు

2010-07-06T08:13:00.000-07:00

అత్తవారింట్లో ఉండండిలా!!

2010-07-06T08:11:00.000-07:00

వంట: పెండలం పులుసు

2010-07-06T08:09:00.001-07:00

మోడెలింగ్

2010-07-05T20:36:00.001-07:00

పాలతో పసిడి కాంతులు

2010-07-05T20:32:00.001-07:00

వేరు సెనగ హల్వా

2010-07-05T20:30:00.001-07:00

వంటింట్లో పరిమళాలు

2010-06-25T19:14:00.000-07:00

కొబ్బరి దోశ

2010-06-25T19:05:00.000-07:00

2010-06-14T10:03:00.000-07:00

పెసర పకోడీలు

2010-06-14T10:00:00.000-07:00

పాలూ తేనెతో అందం

2010-06-14T09:59:00.000-07:00

చర్మ నిగారింపుకోసం

2010-06-14T09:55:00.000-07:00

గోదుమరవ్వ ఇడ్లీ

2010-06-14T09:54:00.000-07:00

క్యారెట్- కోడిగుడ్డు కూర

2010-06-07T19:43:00.000-07:00

మామిడి రవ్వ లడ్డు

2010-06-07T19:40:00.001-07:00

చాక్లెట్ తో అందం

2010-06-07T19:39:00.000-07:00

నిత్య జీవితంలో నిమ్మ

2010-06-06T19:25:00.001-07:00

అదిక రక్తస్రావ నివారణకు...

2010-06-06T19:19:00.000-07:00

నూడుల్స్ వడలు

2010-06-06T19:13:00.000-07:00

రకరకాల తలనొప్పులు

2010-06-06T19:11:00.000-07:00

గులాబితో అందం

2010-06-06T19:09:00.000-07:00

బీరకాయ-నువ్వులపొడి కూర

2010-06-06T19:07:00.000-07:00

కూరగాయలతో దోశెలు

2010-06-05T20:45:00.000-07:00

కిచెన్ కార్నర్

2010-06-05T20:38:00.000-07:00

సొంత వైద్యంతో సమస్యే

2010-06-05T20:32:00.000-07:00

వంటిల్లే వైధ్యశాల

2010-06-05T20:22:00.000-07:00

అమీషా అనుభవం

2010-06-05T20:15:00.000-07:00

అమ్మ చెప్పిన వంట

2010-06-05T20:08:00.000-07:00

ఖర్చుకి కళ్ళెం వేద్దాం

2010-06-05T20:05:00.000-07:00

వంట:సొరకాయ-టొమాటో కూర

2010-06-05T20:04:00.000-07:00

అందమైన పెదవులకోసం

2010-06-05T10:44:00.000-07:00

అరటికాయ-పెసరపప్పు కూర

2010-06-05T10:31:00.002-07:00

అందం: నునుపైన చేతులకోసం

2010-06-05T10:31:00.000-07:00

మామిడితో మోము దగ దగ

2010-06-05T10:23:00.000-07:00

బేసన్ క్యారెట్ ఇడ్లీ

2010-06-01T21:00:00.000-07:00

చిన్నారులకు పోషకాహారాలు

2010-06-01T20:45:00.000-07:00

గార్డెనింగ్: పూలతొట్టెలు

2010-06-01T20:39:00.000-07:00

విసుగుతో కూడా ఊబకాయం

2010-06-01T20:37:00.000-07:00

మెడ అందం ఇలా సొంతం.

2010-06-01T20:35:00.000-07:00

నిద్ర గురించి సంగతులు

2010-06-01T20:34:00.000-07:00

ఇలా చేస్తే మచ్చలు మటుమాయం

2010-06-01T20:28:00.001-07:00

కండరం పట్టెస్తే ఏమిచేయాలి?

2010-06-01T10:26:00.000-07:00

చిట్కాలు

2010-06-01T10:16:00.000-07:00

అందం: పాలతో మేని మెరుపు

2010-06-01T10:13:00.000-07:00

పెసర పిండి వడలు

2010-06-01T10:11:00.000-07:00

తోటకూర-బంగాళాదుంప వేపుడు

2010-06-01T10:09:00.000-07:00

ఇంటర్వ్యూ : రోజా

2010-05-31T10:29:00.001-07:00

వంట : అరటిపువ్వు కూర

2010-05-31T10:24:00.000-07:00

ఆరోగ్యం : తెల్లబట్ట ( కుసుమ ) వ్యాధి

2010-05-31T10:22:00.001-07:00

బీరకాయ-వంకాయ పచ్చడి

2010-05-30T20:03:00.001-07:00

సౌందర్య చిట్కాలు

2010-05-30T19:59:00.000-07:00

కొబ్బరి మామిడి కూర

2010-05-30T19:57:00.000-07:00

జొన్నలతో...

2010-05-30T07:32:00.001-07:00

2010-05-30T07:28:00.001-07:00

వంట : మేంగో సల్సా

2010-05-30T07:23:00.000-07:00

సినిమా : కత్రినా మనసులో మాట

2010-05-30T07:18:00.000-07:00

బెండకాయ మసాలా కూర

2010-05-30T07:04:00.000-07:00

నజరానా - టిప్

2010-05-30T07:03:00.000-07:00

డాబు తగ్గిస్తే డబ్బు మిగులు

2010-05-30T07:02:00.000-07:00